გერმანულმა ტუნინგ ატელიე MKB-მ ინტერნეტ სივრცეში Mercedes-Benz CLS 63 AMG-ს უახლესი ტუნინგ პაკეტის შესახებ ინფორმაცია გაავრცელა. მიუხედავად იმისა რომ აქ მხოლოდ CLS63-ზეა საუბარი, გეტყვით რომ იგივე პაკეტი ხელმისაწვდომი გახლავთ ყველა 63 ვერსიაზე, რომელსაც ახალი ბიტურბო ძრავი უყენია. როგორც წესი ზემოთ ნახსენები ატელიე ვიზუალურ მხარეს ნაკლებ ყურადღებას აქცევს და ძირითადად ავტომობილის მონაცემებით ინტერესდება, ასე რომ გამონაკლისი არც ეს შემთხვევაა თუ დისკებს არ ჩავთვლით. რაც არ უნდა გასაკვირი იყოს, ატელიემ მხოლოდ მოდიფიცირებული ECU-ს მეშვეობით, ავტომობილს 120 ცხენისძალა შემატა. სიმძლავრის ასეთმა ზრდამ ავტომობილის აჩქარებაზე იმოქმედა და ახლა CLS63 AMG 0-100 კმ/სთ-მდე 4,1 წამში ჩქარდება. ატელიემ გაუმჯობესებულ აჩქარებასთან ერთად ავტომობილის სიჩქარე ელ.ლიმიტირებულ 300 კმ/სთ-მდე გაზარდა.

თუ თქვენ ასეთი სიჩქარე არ გაკმაყოფილებთ, დამატებითი საფასურის გადახდის შემდეგ, ავტომობილის სიჩქარე კვლავ ელექტრონულად ლიმიტირებულ 340 კმ/სთ-მდე გაიზრდება. აქვე დავამატებ იმასაც, რომ მომატებულ 120 ცხენისძალასთან ერთად, (რის შედეგადაც ავტომობილის სიმძლავრე 640 ცხენისძალას შეადგენს), გაიზარდა ავტომობილის ბრუნიც, რომელიც 1,000 ნიუტონმეტრამდე ელექტრონულად არის შეზღუდული. რაც შეეხება დისკებს, რომლებიც ზემოთ ვახსენეთ, მათი შეკვეთა შესაძლებელია 19 ან 20 დიუმის ზომებში.

ასევე აღსანიშნავია Michelin Pilot Super Sport დაკიდების სისტემა და ატელიეს მიერ დაკმაყოფილებული, ევროპაში არსებული " Euro 5" ეკოლოგიის სტანდარტები.