Geneva Motor Show-მდე ოფიციალურ დებიუტამდე Maserati-მ GranTurismo Sport-ის პირველი ფოტოები და ინფორმაცია გაავრცელა. ავტომობილი რომელიც GranTurismo S-ს ჩაანაცვლებს, შეიძლება ითქვას რომ მისი ფეისლიფტირებული ვერსიაა, თუმცა უფრო მეტი განსხვავებისთვის მაზერატის მარეტოლოგებმა მას ახალი სახელი შეურჩიეს და ავტომობილს ინიციალი "Sport" მიაკრეს. სამწუხაროდ ავტომობილის ზუსტი ტექნიკური მახასიათებლები და შესაძლებლობები უცნობია, თუმცა ვიცით, რომGranTurismo Sport-ის კაპოტქვეშ მოთავსებული 4.7 ლიტრიანი, V ტიპის 8 ცილინდრიანი ძრავი 466 ცხენისძალას გამოიმუშავებს, რის შედეგადაც ავტომობილი 0-100 კმ/სთ-მდე 5 წამზე ნაკლებ დროში ჩქარდება. 

ზემოთ ნათქვამის გარდა, GranTurismo Sport-მა ახალი ოდნავ შეცვლილი წინა ბამპერი, დიოდით აღჭურვილი ახალი წინა მაშუქები, ახალი უკანა ბამპერი და ჩამხშობები დაემატა. ამ ეტაპზე ინტერიერის ფოტო არ მოიძიება, თუმცა როგორც ირკვევა მას ახალი ფერის ტყავი და უფრო სპორტული საჭე დაემატა. 

სტატიის წყარო: Www.News.Drive.Ge