ალბათ ყველა ავტომოყვარულმა იცის თუ რა ავტომობილია Jaguar XJ220S, რომლის ერთ-ერთი ეგზემპლარიც ამერიკაში, არიზონას შტატში აუქციონზე იყიდება. ძალიან ექსკლუზიური XJ220S, რომელიც ლიმიტირებული რაოდენობით, 6 ეგზემპლარად გამოვიდა, ამერიკულ აუქციონზე დაახლოვებით 250-300 ათას დოლარად გაიყიდება. მათ ვინც არ იცის გეტყვით, რომ ავტომობილის შექმნაში მონაწი Tim Walkinshaw Racing-მა (TWR) მიიღო და ავტომობილის ალუმინის ძარა, კარბონით შეცვალა. ამასთანავე აღსანიშნავია ავტომობილის ვიზუალური მხარე, რომლის დახმარებითაც აეროდინამიკა საგრძნობლად გაუმჯობესდა.

ბოლოს კი მთავარს, ავტომობილის ტექნიკურ მონაცემებს მოგახსენებთ, რომელიც ნამდვილად გასაოცარია. 1994 წელს გამოსული XJ220S აღჭურვილია V ტიპის 6 ცილინდრიანი, 3,5 ლიტრი მოცულობის ორმაგად ტურბირებული აგრეგატით, რომელიც 700 ცხენისძალას გამოიმუშავებს. ლიტრ მოცულობაზე მიღებული 194 ცხენისძალა, 5 საფეხურიანი მექანიკური გადაცემათა კოლოფით აღჭურვილ სუპერქარს საშუალებას აძლევს, 0-100 კმ/სთ-მდე 3,6 წამში აჩქარდეს და გაავითაროს მაქსიმალური 368 კმ/სთ. 

სტატიის წყარო: News.Drive.Ge