Ford-მა ინტერნეტ სივრცეში 2013 Explorer Sport-ი წარმოადგინა, რომლის გაყიდვებიც ძალიან მალე დაიწყება. ოდნავ განსხვავებული მოდელი აღჭურვილია ახალი ჰაერმიმღებით, ცხაურით, ჩამუქებული მაშუქებით და 20 დიუმიანი დისკებით. ასევე ცვლილებები განიცადა ავტომობილის ინტერიერმაც, რომელსაც შავი ტყავის სავარძლები, ორ ზონიანი კლიმატ კონტროლი, MyFord Touch Infotainment სისტემა და SONY-ს წარმოების აუდიო სისტემა დაემატა. ძალური დანადგარის სახით, ამერიკულ ქროსოვერს ორმაგად ტურბირებული, 3,5 ლიტრიანი EcoBoost V ტიპის 6 ცილინდრიანი ძრავი გააჩნია. ასეთი მოცულობის და აღჭურვილობის ძრავი 350 ცხენისძალას გამოიმუშავებს, რომელიც 6 საფეხურიანი ავტომატური ადაცემათა კოლოფის დახმარებით ყველა წამყვან სისტემას გადაეცემა. ტექნიკური თვალსაზრისით ავტომობილს მოდიფიცირებული შასი, დიდი ზომის სამუხრუჭე სისტემა და ახალი დაკიდება დაემატა, რომელსაც თოვლიან, ქვიშიან და ტალახიან საფარზე მოძრაობის რეჟიმები გააჩნია.

სტატიის წყარო: News.Drive.Ge