ამერიკულ ყველაზე ავტოინდუსტრიულ ქალაქში, დეტროიტში ბოლო დღეების განმავლობაში ძალიან კარგი ამინდებია, კაშკაშა მზით და მოწმენდილი ცით... აქედან გამომდინარე 911 Carrera Cabriolet-ი, რომელიც Detroit Audo Show-ზე წარდგა, პორშეს ახალ სიურპრიზად იქცა.  

911-ის სახურავი რომელიც ბრეზენტის ტიპის არის, საკმაოდ მიმზიდველად გამოიყურება სპორტულ კუპეზე და მიუხედავად იმისა, რომ ქართველ ავტომოყვარულებში ასეთი კაბრიოლეტი მიუღებელი და ნაკლებად მოსაწონია, სხვა ევროპულ ქვეყნებში ეს კიდევ უფრო დახვეწილ, ელეგანტურ და მდიდრულ ფუნქციად ითვლება. როგორც კომაპანიაში აცხადებენ უფრო მეტი უსაფრთხოებისთვის და მძარცველთაგან თავდაცვისთვის სახურავის კიდეებს მტკიცე დეტალები დაემატა.

აღსანიშნავია ისიც რომ სახურავის მოხსნა და დაფარება 50 კმ/სთ-თი მოძრაობის დროსაც არის შესაძლებელი. ავტომობილს სიახლეა საქარე მინის თავზე მოთავსებული ჰაერის დეფლექტორი.  

რაც შეეხება Carrera-ს ძალურ დანადგარს, B ტიპის 6 ცილინდრიანი, 3,4 ლიტრი მოცულობის ძრავი 350 ცხენისძალას გამოიმუშავებს რის შედეგადაც 0-100 კმ/სთ-მდე 5 წამში ჩქარდება (4.8 წამში PDK-თი და 4.6 წამში Sport Chrono პაკეტით). Coupe-ს მსგავსად Carrera S-ის ძრავის მოცულობაც 3,8 ლიტრამდეა გაზრდილი, რომლის მაქსიმალური სიმძლავრეც 400 ცხენისძალას უტოლდება. ასეთი ძალის მქონე, მექანიკური გადაცემათა კოლოფით აღჭურვილი სპორტული კაბრიოლეტი 0-100 კმ/სთ-მდე 4,7 წამში ჩქარდება, ხოლო PDK კოლოფით და Sport Chrono პაკეტით  Carrera S Cabrio იგივე მოქმედებას მხოლოდ 4,3 წამს ანდომებს.